С. Меняйло фембæлд «Горизонт»-ы разамонæг Гæбулты С. æмæ адаптацион спорты эксперт И. Гаугаеваимæ

Цæгат Ирыстоны сæргълæууæг Сергей Меняйло фембæлд спортивон хиирхæфсæн парк «Горизонт»-ы разамонæг Гæбулты Сослан æмæ, сӕрмагонд хицӕндзинӕдтимӕ цы адӕймӕгтӕ ис, уыдонимӕ куыст ӕмӕ адаптацион спорты эксперт Ирма Гаугаеваимæ. Гæбулты Сослан æмæ Ирма Гаугаевамæ фæзынд хъæппæрис, се 'нæниздзинад хъыгдæрд кæмæн у, уыцы сывæллæттæн Дзæуджыхъæуы спортивон фæз саразын. Æххуысагур фæсидтысты регионы разамонæгмæ. Авторты хъуыдымæ гæсгæ, фæз кусдзæн сæрдыгон рæстæг. Сергей Меняйло куыд фæнысан кодта, афтӕмӕй ацы хъуыддаг ахсджиаг у. Фыццаг уал хъæуы социалон проектыл бакусын. Æрмæст уый фæстæ уыдзæн паддзахадон æххуысæй спайда кæнæн. Республикæйы сæргълæууæджы ныхæстæм гæсгæ, се 'нæниздзинад хъыгдæрд кæмæн у, уыцы цæрджытæн ахуыр кæнынæн, спортæй архайынæн æмæ кусынæн аккаг фадæттæ аразын у æнæмæнг хъӕугӕ хъуыддаг. Ныртæккæ кусынц профилон физкультурон-дзæбæхгæнæн комплексы проектон-хыгъдон гæххæттытыл дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv