«Поколение без наркотиков» - ахæм форум ацыд Цæгат Ирыстоны

«Поколение без наркотиков» - ахæм форум ацыд Цæгат Ирыстоны. Йæ аразæг – фæсивæды центр. Форум конд у, æнахъом сывæллæтты бартæ хъахъхъæныны къамисы лæуд чи у, уыцы рæзгæ фæлтæрæн. Уымæй уæлдай ма, бархионтæн дæр. Сывæллæттæн радзырдтой æнæниз цард кæныны тыххæй. Архайджытæн сарæзтой спортивон ерыстæ æмæ алыхуызон конкурстæ. Хуыздæр йæхи чи равдыста, уыдонæн радтой зæрдылдарæн лæвæрттæ. Ацы форум арæзт вæййы æрвылаз. Бæрнон адæймæгтæ куыд бафиппайдтой, афтæмæй ахæм форумты руаджы фæсивæд æмбардзысты, наркотиктæ адæймагæн цы зиан хæссынц, уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv