Гæздæнты Булаты номыл адæмон инструментты национ оркестрæн Ног азы радта йæ фыццаг сæрмагонд концерт

Гæздæнты Булаты номыл адæмон инструментты национ оркестрæн Ног азы радта йæ фыццаг сæрмагонд концерт. Райдзаст концертон залы айхъуыстысты оркестры музыкæйы зæлтæ. Ацагътой ирон композиторты уацмыстæ, æдæппæттæй 15 номыры. Оркестрæн хъæздыг истори ис. Фæзынд 77 азы размæ. Уæд уыдис радиойы оркестр. 52-æм азы йæ сæхгæдтой. Стæй, цалдæр азы фæстæ, ногæй кусын райдыдта. Уæдæй абонмæ нæ республиæйы культурæйы рæзтмæ артисттæ хæссынц стыр æвæрæн. Ныртæккæ оркестры ис 33 музыканты. Кусынц сæ репертуарыл. Ног азмæ фæнд кæнынц концерттæ фылдæр радтын æмæ аивадуарзджыты зæрдæтæ дарддæр хъæлдзæг кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv