Цæгат Ирыстоны фæхуыздæр кæндзысты бæлццæттæ ласыны фадæттæ

Цæгат Ирыстоны фæхуыздæр кæндзысты бæлццæттæ ласыны фадæттæ. Республикæйы сæргълæууæджы хæстæ рæстæгмæ æххæстгæнæг Сергей Меняйлойæн уыд куыстадон фембæлд транспортмæ цæстарды фæдыл федералон службæйы регионты ’хсæн территориалон управленийы хицау Дмитрий Кравцовимæ. Бæстон æрныхас кодтой Цæгат Ирыстоны маршрутон хæдтулгæты техникон уавæрыл, адæм сæ балцы рæстæг хъахъхъæд куыд цæуынц, æмæ шофыртæ хъалон куыд фидынц, уыцы фарстатыл. Уавæрмæ гæсгæ, хъæуы æвæстиатæй хъуыддаг банывыл кæнын, зæгъгæ, фæнысан кодта Сергей Меняйло. Загъта ма, уæлдай лæмбынæгдæр æркæсын кæй хъæуы адæмы хихъахъхъæнынадмæ пандемийæйы рæстæг, уымæн æмæ, бæлццæтты чи ласы, уыдонæй æппæт не ’ххæст кæнынц фæлхасгæнджытæм цæстдарды управленийы домæнтæ. Дмитрий Кравцов ныфс бавæрдта, цæстдарæн ведомствæтæ дарддæр дæр æмгуыст кæй кæндзысты республикæимæ. Уæ зæрдыл уын æрлæууын кæндзыстæм, къуырийы радиан Сергей Меняйло кæй баныхас кодта республикæйы æхсæнадон транспорты модернизацийы тыххæй Уæрæсейы промышленнон базарады министрады сæргълæууæг Денис Мантуровимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv