Коронавирусæй рынчынтыл Цæгат Ирыстоны бафтыд 79 адæймаджы

Коронавирусæй рынчынтыл Цæгат Ирыстоны бафтыд 79 адæймаджы. Æдæппæтæй сæ нымæц у 9 мин 682. Æнæниздзинад хъахъхъæныны министрады хъусынгæнинагмæ гæсгæ, республикæйы дзæбæхгæнæндæтты ис 1323 адæймаджы. Уыдонæй Тагъд Æххуысы Клиникон Рынчындоны 579, COVID-мæ 211-æй, реанимацийы 46 адæймаджы, аппаратты фæрцы улæфынц 10-æй. Республикон Клиникон Рынчындоны ныртæккæ ис 670 адæймаджы. Коронавирус дзы ис 173-мæ. Реанимацийы хайады 58 рынчыны. Аппараты фæрцы улæфынц 29-æй. Сывæллæтты Республикон Клиникон рынчындоны та 37 сывæллоны æмæ 17 хистæр кары адæймаджы. COVID-дзы рабæрæг 23 сабимæ, уыимæ ма 16 хистæрмæ. Ивгъуыд суткæмæ Цæгат Ирыстоны коронавирусæй амард ноджы дыууæ адæймаджы. 76 æмæ 86 адзыд сылгоймæгтæ. Афтæмæй низы амæттæгтæ баисты 79-æй.