Дзæуджыхъæ уы арæзт цæуынц маскæтæ дарыны фæдыл сæрмагонд рейдтæ
Уæрæсейы фæлхасгæнджытæм цæстдарды управленийы кусджытæ, паддзахадон автоинспекцийы минæвæрттæ, Уæрæсейы транспортмæ цæстдарды æмæ профилон министрады специалисттæ бæрæг кæнынц маршрутон такситы куыст. Ахæм рейдтæ аразынц æрвылбон. Коронавирус та Цæгат Ирыстоны ногæй парахат кæны. Уымæ гæсгæ маршрутон такситы куысты фæткмæ каст цæуы сæрмагонд цæстæй. Æрвылбон хæдтулгæты санитарон уавæрмæ кæсынц промышленность æмæ транспорты, уыимæ фæлхасгæнджытæм цæстдарды управленийы кусджытæ. Бæлццæтты æдасдзинадмæ куыдфæндыйы цæстæй чи нæ кæсы, уыцы шофырты нымæц фылдæр кæны. Уæвгæ, бæлццæттæн сæхицæй афтæ зæгъæн нæй. Дезинфекци æмæ салоны уæлдæф дымгæйы фæрцы сыгъдæг кæнын у æнæмæнг хъуыддаг. Уый хорз æххуыс у вирусимæ тохы. Цас арæхдæр дуæрттæ гом кæной æмæ рудзгуытæ гомæй дарой, уыййас хуыздæр. Автобусмæ бахизгæйæ бæлццæтты æдасдзинадæн хъуамæ тæс мацæмæй уа. Æххæстгонд цæуынц æппæт хъæугæ мадзæлттæ. Зæрдæхсаинаг сты, адæм бирæгæйттæй кæм æмбырд кæнынц, уыцы æхсæнадон бынæттæ. Специалисттæ бабæрæг кодтой стыр дуканитæ æмæ базарадон центртæ. Ссардтой дзы аиппытæ. Барадхалджыты ’хсæн разыны æмбаргæ адæм дæр. Сæхи æмæ сæ бинонты æнæниздзиналыд чи хъуыды кæны, ахæмтæ. Тыхсынц сæ кусджытæ æмæ се ’лхæнджытыл дæр. Сæргълæууæджы администраци æмæ хицауады разамонæг Гобеты Ибрагим бафиппайдта, адæймаг йæхицæн кæй хъуамæ суынаффæ кæна домæнтæ æххæст кæнын. Специалисттæ хъусын кæнынц, санитарон-эпидемиологон домæнтæ чи не ’ххæст кæна, уыцы бæлццæттæласæн компанитæ дзуапп кæй дæттдзысты административон æгъдауæй. Уый та у ивар 500 мин сомы онг. Уый сæ архайд дæр æртæ мæймæ фæкъуылымпы уыдзæн. Бæлццæттæн та, гæнæн ис, æмæ сæ дзыппытæ раафтид кæной 30 мин сомы онг. ______________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv