Цæгат Ирыстоны дарддæр цæуы вакцинаци

Цæгат Ирыстоны дарддæр цæуы вакцинаци. Прививкæ скæныны фадат ис Ирыстоны æппæт районты дæр, уый тыххæй рагацау хи ныффысын хъæуы терапевтмæ. Хъабанты Беллæ прививкæ кæй фæнды скæнын, уыцы адæмимæ рады æрлæууыд. Вакцинæ ауæын кæжй фæнды, уыдон бирæ сты. Сылгоймаг йæхæдæг у медицинон кусæг, 3 къуырийы размæ райста вакцинæйы фыццаг компонент. Ныр æрбацыд дыккаг компонент скæнынмæ. Беллæ æмбары, куыд ахсджиаг у ацы низы ныхмæ прививкæ скæнын. Поликлиникæмæ æрбаластой «Гам-КОВИД-Вак» ног парти. Ам æрвылбон прививкæ скæнын кæй фæнды, уыдоны нымæц фылдæрæй-фылдæр кæны. Йе 'нæниздзинад цудыд кæмæн у, æмæ уымæ гæсгæ дызæрдыг чи кæны вакцинæ райсынмæ, ахæм адæмæн дæр сæ нымæц къаддæр нæу. Уый тыххæй прививкæйы размæ хи равдисын хъæуы специалисттæн, уый лæмбынæг æркæсдзæн æмæ сбæрæг кæндзæн, ис сын æй скæнæн æви нæ, уый. Поликлинæкæйы ис сæрмагондæй прививкæгæн кабинет, дохтыртæ архайынц санитарон домæнтæ хынцгæйæ. Уыцы домæнтæ та гыццыл не сты. Прививкæйы агъоммæ, стæй йæ фæстæ гæнæн æмæ амалæй хи хъæуы хъахъхъæнын. Уыимæ ма йæ 3 боны укол нæй хуылыдз кæнæн дæр. Иу хатт ма уын зæрдыл лæууын кæнæм, вакцинацийы процедурæ у барвæндон. Ныридæгæн Цæгат Ирыстоны процедурæ ацыдысты 14 мин 902 адæймаджы, уыдонæй дыккаг компонент райстой 11 мин æмæ 377-æй. Калоты Дзерассæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv