Цæгат Ирыстоны афæдзы райдианæй майы онг цæрæнбынæттæ сарæзтой 100 мин квадратон метры бæрц

Цæгат Ирыстоны афæдзы райдианæй-майы онг цæрæнбынæттæ сарæзтой 100 мин квадратон метры бæрц. Республикæйы хицауады сæрдар Тускъаты Таймураз видеобастдзинады фæрцы кусæг фембæлд сарæзта Цæгат Ирыстоны арæзтад æмæ архитектурæйы министр Тотыккаты Артуримæ. Фылдæр æргом аздæхтой, республикæйы национ æмæ федералон паддзахадон программæты фæлгæты цы социалон объекттæ арæзт цæуы, уыдонмæ. Тотыккаты Артуры ныхæстæм гæсгæ, коронавирусы инфекци кæй апарахат, уымæ гæсгæ арæзтадон комплексмæ бахастой ивддзинæдтæ. Арæзтадон куыстытæ æххæст кæнынц Уæрæсейы Фæлхасгæнджытæм цæстдарды управленийы амындмæ гæсгæ. Пандемияйы рæстæг регионы цæрæнуæтты арæзтад нæ фæкъаддæр. Январæй-маймæ сарæзтой 100 мин квадратон метры. Эксплуатацийы радтой 99 258 квадратон метры цæрæнуæттæ. Уый, фароны азимæ абаргæйæ, 108% фылдæр у. Фембæлды рæстæг ма æрдзырдтой Заводы поселочы сывæллæттæн цы рæвдауæндон аразынц, ууыл. Бынат дзы уыдзæн 280 сабийæн. Ацы ахуыргæнæндоны руаджы сывæллæтты рæвдауæндонмæ рады лæууын нал хъæудзæн. Тускъаты Таймураз куыд бафиппайдта, афтæмæй Уæрæсейы президент Владимир Путины амындмæ гæсгæ цы национ æмæ федералон проекттæ æмæ программæтæ скуыстой, уыдон хъуамæ æххæстгонд æрцæуой. Уыимæ ма социалон объекттæ хъуамæ дзуапп дæттой æппæт домæнтæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv