Хуссар Ирыстоны коронавирусы тæссаг низæй ног рынчынты нæ рабæрæг кодтой

Ивгъуыд суткмæ коронавирусимæ баст уавæр Хуссар Ирыстоны нæ аивта. Низ ногæй кæмæ сбæрæг кодтой, ахæм рынчынтæ дзы нæ разынд. Дзæбæхгæнæндоны ис 4 адæймаджы.  Уый тыххæй хъусын кæны Хуссар Ирыстоны фæлхасгæнджытæм цæстдарды управленийы разамонæджы хæдивæг Гаглойты Аннæ. Фæстаг хатт ног рынчынты тыххæй ведомствæ фехъусын кодта ивгъуыд майрæмбоны. Уæд низ рабæрæг дыууæ адæймагмæ. Къуырийы æмгъуыдмæ æдæппæтæй сарæзтой 23 тесты. Карантины хыгъды цы адæм ис, уыдоны нымæц дæр фæкъаддæр. Дохтыртæ сæ цæст дарынц 186 адæймагмæ. Уæ зæрдыл уын æрлæууын кæндзыстæм, эпидемийы райдианæй Хуссар Ирыстоны коронавирус разынд 89 адæймагмæ. COVID сбæрæг кæнынæн скодтой 3 300 тесты. Ныридæгæн 85-æй сдзæбæх сты коронавирусæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv