Дзæуджыхъæуы ацыд спортивон мадзал «Спорт Движ»

Фæсивæды спортæй архайынмæ сразæнгард кæнын. Ахæм нысанимæ Дзæуджыхъæуы ацыд сæрмагонд мадзал «Спорт Движ». Горæты астæу райтыгътой æцæг спортивон фæзуат: штангæтæ, гантельтæ, спортивон хæлцад. Сæ тыхтæ бафæлвæрдтой лæппутæ æмæ чызджытæ дæр, архайдтой алыхуызон уæзтæ сисыныл. Архайджыты 'хсæн уыдысты дунейы чемпион пауэрлифтингæй Хъыбызты Марат æмæ дунейы чемпион бодибилдингæй Баскаты Алан. Мадзаларазæг - бодибилдер Плиты Ален. Йæ сæйраг нысан у æнæиз цардыуаг парахат кæнын.