Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло фембæлд Годжыцаты Тамерланимæ

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло республикæйы æнæниздзинад хъахъхъæныны системæйы райрæзтыл бакусын бабар кодта дзуапдæттæг министры хæстæ рæстæгмæ æххæстгæнæг Годжыцаты Тамерланæн. Фембæлды рæстæг æрдзырдтой дæрддзæф районты цæрджыты льготæмӕ гӕсгӕ хостæй сифтонг кæныныл. Фæхъæддыхдæр кæнын медицинон уагдæтты материалон-техникон бындур. Дзырдæн зæгъæм, 2021-æм азы фæнд кæнынц саразын 2 амбулаторийы Къостайыхъæуы æмæ Хуымæллæджы, стӕй 2 фелсырон-акушерон пункты та Рамоново æмæ Мацутæйы. Бындуронæй сцалцæг кæндзысты 6 объекты. 36 фелсырон-акушерон пунктæй 35 сæ куыст райдыдтой. Иу дзы - Хохы Санибайы - афойнадыл не сцæттæ. Сергей Меняйло куыд фæнысан кодта, афтæмæй национ проекттæ æххæстгæнгæйæ къуылымпыдзинæдтæ хъуамæ ма уа. Уымæй уæлдай ма, йæ хъуыдымæ гæсгæ, алы фелсырон-акушерон пункты дæр хъуамæ, æнæмæнг, уа афтек, цæмæй цæрджыты бон уа хостæ балхæнын. Фæнысан ма кодта уый дæр, æмæ, медицинон уагдæттӕй хи къухты чи ис, ахæм афтектæ хъуамæ ма уа. Уыцы фæткæн йæ уидаг хъæуы стонын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv