Уæрæсе æмæ Хуссар Ирыстоны минæвæрттæ фембæлдысты таможнæйы пост Дæллаг Зæрæмæджы

Уæрæсе æмæ Хуссар Ирыстоны минæвæрттæ фембæлдысты таможнæйы пост Дæллаг Зæрæмæджы. Архайдта дзы Цæгат Кавказы таможнæйы управленийы хицау Альберт Мавликов. Мадзалы сæйраг нысан- пункт «Дæллаг Зæрæмæджы» цы уавæр сæвзæрд , уый аиуварс кæнын. Уым ныр æртæ къуырийы дæргъы лæууынц уæзласæн хæдтулгæтæ цардæн æнæмæнг хъæугæ хойрæгтимæ. Хуссар Ирыстоны делегацийы разамонæг вице-премьер Бекъойты Геннадий куыд фехъусын кодта, афтæмæй фарстайы фæдыл иу хъуыдымæ æрцæудзысты къуырийы кæронмæ. Дыууæ боны æмгъуыдмæ снысан кæндзысты сæрмагонд протокол, фæндаджы балцвæд. Хуссар Ирыстоны таможнайы сæргълæууæг Цыхуырбаты Мурат куыд фæнысан кодта, афтæмæй хойраг Уæрæсейæ Хуссар Ирыстонмæ баласыны тыххæй уынаффæ кæндзысты Уæрæсейы хицауады уæнгтимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv