Цæгат Ирыстоны пенсион фонды куыстыл æрдзырдтой Битарты Вячеслав æмæ Андрей Кигим

Цæгат Ирыстоны пенсион фонды куыстыл æрдзырдтой республикæйы сæргълæууæг Битарты Вячеслав æмæ Уæрæсейы пенсион фонды разамынды сæрдар Андрей Кигим. Пандемийæйы рæстæг фонд æххуыс кодта сывæллонджын бинонтæн. Ивгъуыд азы апрелæй республикон хайад уыцы мадзæлттæн рахай кодта æртæ млрд сомæй фылдæр. Йæ размæ æвæрд хæстыл цæгатирыстойнаг хайад бакуыста бæстонæй. Фиддонтæ исыны курдиæттæ специалисттæ истой дистанцион хуызы. Йæ куыстæй чи фæхауд, уыцы бинонтæ апрелæй маймæ истой материалон æххуыс æртæйæ фондз мин сомы онг иу сывæллонæн. Уымæй уæлдай, Битарты Вячеславы ныхæстæм гæсгæ, æххæстгонд цæуынц президенты бардзырдтæ. Ныхас цæуы, цæмæй бюджетон къабазы куыстуæттæ сæ кусджыты мызды тыххæй хъæугæ информаци бадæттой. Цæгат Ирыстоны ис мин ахæм куыстуатæй фылдæр. Пенсион фонды цæгатирыстойнаг хайады кусджытæ дæр уыцы хъуыддагмæ се ’вæрæн бахæсдзысты. Документаци бацæттæ кæнынмæ сæм фæкæсдзысты. Мадæлты капитæлæн фæрæзтæ æрвылмæй рахай кæнынц 16 милуан сомæй фылдæр. Æдæппæтæй программæйы райдианæй лæвæрд æрцыд 64 205 сертификаты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv