Заводы поселоккæй Дзæуджыхъæумæ маршрутыл кусын райдыдтой «Газель-Нексттæ»

Заводы поселоччы цæрджытæ къуылымпытимæ Дзæуджыхъæумæ рагæй хæццæ кодтой. Æхсæнадон транспортмæ-иу æппын къаддæр æртын минуты æнхъæлмæ кастысты. Ныр уавæр фæивта. Заводы поселоккæй Дзæуджыхъæуы онг фæндаг кæд дард нæу, уæдæр-иу раздæр, горæтмæ цæугæйæ, бæлццæттæ сæмбæлдысты бирæ къуылымпыдзинæдтимæ. Цæрджытæ хъаст кодтой, маршруткæтæ фаг не сты, загъгæ. Хæдтулгæмæ-иу æппын къаддæр æртын минуты æнхъæлмæ кастысты. Æнхъæлмæ кастæн æрмæст 5 минуты. Ног хæдтулгæтæ сты хъарм, уæрæх. Ис дзы фылдæр бадæн бынæттæ, æмæ мæ уый тыххæй лæууын никуы бахъæуы. Мæ зæрдæмæ цæуынц. Ницы кæны, фæндаджы аргъ 5 сомы фылдæр кæй у, уый дæр. Æхсæнадон транспорты шофыртæ дæр ног хæдтулгæтыл уæлдай бацин кодтой. Кусынц графикмæ гæсгæ. Адæм бирæгæйттæй цы рæстæг вæййынц, уыцы рæстæг машинæтæ цæуынц 4 минутæй 4 минутмæ. Æнæмæнг æххæстгонд цæуынц санитарон домæнтæ дæр. Ныртæккæ ног транспорт кусы 5 маршрутыл. 8, 13, 11, 34 æмæ 50. Ис дзы хъæугæ фæрæзтæ, йе `нæниздзинад хъыгдæрд кæмæн у, уыдонæн дæр. Транспортон компанийы минæвары ныхæстæм гæсгæ, маршрутон такситæ цы маршруттыл нæ фаг кæны, уыдонмæ бафтаудзысты уæлæмхасæн хæдтулгæтæ. Кæд раздæр хъæуы цæрджытæ хъаст кодтой, маршруткæтæ фаг не сты, загъгæ, уæд абон уыцы фарста лыггонд æрцыд. Сæ бон æнæ къуылымпыйæ у университетмæ, базарадон центртæ æмæ медицинон дзæбæхгæнæндæттæм хæццæ кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv