Октябрьскæйы тагъд рæстæг центрон парчы цалцæггæнæн куыстытæ фæуыдзысты

Октябрьскæйы сæйраг парчы цалцæггæнæн куыстытæ кæронмæ фæхæццæ кæнынц. Фæзынд дзы алыхуызон хиирхæфсæн комплекстæ, рухсытæ, бандæттæ, бырондæттæ, паркы æвæрд æрцыд плиткæ. Амфитеатр æмæ сывæллæттæн ирхæфсæн фæз дæр кæронмæ арæзт фæвæййынц. Куыстытæ æххæстгонд цæуынц «Горæты æнцонвадат архайд»-ы программæйы фæлгæты. Джусойты Вильям йæ кæстæртимæ ацы паркмæ арæх æрбацæуы улæфынмæ. Дыууæ фаззон лæппуйы сæхæдæг сæ мады фыды къухыл рахæцгæйæ, æрбалидзынц ацы фæзмæ. Сты бынæттон цæрджытæ. Куыд нын бафиппайдта йæхæдæг, афтæмæй сты разы ног арæзт паркæй. Баулæфыны фадат ам ис алкæмæн дæр. Сæ уæгъд рæстæг ныййарджытæ сæ сывæллæттимæ арвитынц ам. Зæрдæрайгæйæ сæ алчидæр æрбацæуы куыд райсомæй, афтæ изæрæй дæр. «Мах тынг разы стæм ацы паркæй. Мæ гыццыл лæппуимæ æнхъæлмæ кæсæм, ирхæфсæн комплекс кæронмæ арæзт куы æрцæуа, уæдмæ. Уымæн æмæ сывӕллонмӕ ам ахъазын фæцæуы. Æмæ ма æз дæр йемæ мæхи аирхæфсын. Фæндид мæ, цæмæй ма дзы сабыр музыкæ дæр уа», - Октябрьскӕйы цæрæг Джагаты Валерия. Специалисты ныхæстæм гæсгæ, куыстытæ пъланæй раздæр фæуд кæнынц. Июлы кæрон амфитеатр æмæ сывæллæттæн ирхæфсæн комплекс кæронмæ арæзт æрцæудзысты. Фæзындзæн ма дзы музыкæ дæр. Уымæй уæлдай ма, паркæн йæ астæу æрывæрдзысты заз бæлæс. Ног азы алкæмæн дæр йæ бон уыдзæн йæ размæ æрбацæуын æмæ хъæлдзæгæй бæрæгбон арвитын. Октябрьскӕйы разамынд æппынæдзух архайы адæмæн хуыздæр уавæртæ саразыныл. Ныридæгæн бынæттон хиуынаффæйады сæ къухы бафтыд бирæ хъуыддæгтæ. Дарддæр дæр архайдзысты. Айларты Эмилия _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv