Рухстауыны министрад фæссауон ахуырадмæ рахизынвæнд нæ кæны

Рухстауыны министрад фæссауон ахуырадмæ рахизынвæнд нæ кæны. Уроктæ дистанцион хуызы нæ амондзысты. Уый тыххæй фехъусын кодта рухстауыны министр Сергей Кравцов сæрмагонд æмбырды рæстæг. Министр куыд радзырдта, афтæмæй 1 сентябры нæ бæстæйы скъолатæ кусдзысты фæткмæ гæсгæ. Æрмæст санитраон-эпидемиологон домæнтæ хынцгæйæ. Цæгат Ирыстоны профилон ведомствæйы хъусынгæнинагмæ гæсгæ, 484 ахуырадон организацийы цæттæ сты ног ахуыры азмæ. Райдайдзæн нысангонд фæткмæ гæсгæ. Æххæстгонд цæудзыты Уæрæсейы фæлхасгæнджытæм цæстдарды управленийы домæнтæ. Скъолаты ахуырдзаутæн бардзысты сæ буары тæвд, къухтæ кæндзысты дезинфекци. Ацы аз скъоладзаутæн арæзт æрцæудзæн кълассон-кабинетон системæ, ома, иу кабинетæй иннæмæ нæ цæудзысты, фæлæ иу ран баддзысты. Бæрæгбоны линейкæтæ сараздзысты 4-æм сентябры. Архайдзысты дзы 1-æм æмæ 11-æм къласты ахуырдзаутæ. Сентябрæй фæстæмæ райдиан скъолайы ахуырдзаутæ сихоры хæрд кæндзысты лæвар. Ахуыргæнджытæ та къласы разамынды тыххæй исдзысты федералон фиддон 5 мин сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv