Цæгат Ирыстоны дарддæр цæуы COVID-19 ныхмæ вакцинаци

Коронавирусæй хи бахъахъхъæнынæн æппæты ахадгæдæр у прививкæ скæнын. Вакцинæ райсын кæй фæнды, уыдоны нымæц рæзы. Процедурæйы размæ адæймагмæ хъуамæ дохтыртæ æркæсой. Æрмæст, уый фæстæ ис райсæн вакцинæ. Специалисттæ раздæрау дзурынц вакцинæйы æдасдзинады тыххæй. Республикæйы ныры онг прививкæтæ скодтой 15 мин адæймагæй фылдæр. Республикæйы æнæниздзинад хъахъхъæныны министрады фæстаг бæрæггæнæнтæм гæсгæ COVID-19 рабæрæг вæййы 16 адæймагмæ. Низ фæсат, фæлæ нырма уавæр тæссаг у. Коронавирусы ныхмæ привикæ скæнæн ис сæрмагонд пункты. Апарахат сты районты æмæ Дзæуджыхъæуы поликлиникæты. Горæты 7-æм поликлиникæйы ваакцинацийæн хъæугæ уавæртæ ис. Ныридæгæн ам вакцинæйы 1-аг компонент райстой 2180 адæймаджы, 2-аг та 1889-æй. Поликлиникæйы дохтыр-эпидемиологы ныхæстæм гæсгæ, прививкæ кæмæн скодтой, уыдон сæхи æнкъарынц хорз. Вакцинацийы фыццаг компонент чи райста, уыдон ын йæ дыккаг хай скæнынц 3 къуырийы фæстæ. Юлия Жирняк, Дзæуджыхъæуы 7-æм поликлиникæйы дохтыр-эпидемиолог: «7-æм поликлиникæмæ вакцинацийы райдианæй нæ сифтонг кодтой «Гам КОВИД Вак»-ы 2300 комплектæй. Ныртæккæ йе 'нæниздзинад бахъахъхъæнын кæй фæнды, уыцы адæмы нымæц рæзы. Уый тыххæй снысан кодтам хыгъд, æмæ сын прививкæ кæндзыстæм радмæ гæсгæ». Йæ радмæ гæсгæ прививкæ райста Самты Хъазыбег дæр. Кыд зæгъы, афтæмæй йын прививкæ скæнын ног хъуыддаг нæу. Æрвылаз вакцинаци ацæуы грипп æмæ æхснырсæджы ныхмæ. Самты Хъазыбег, Дзæуджыхъæуы цæрæг: «Прививкæ райсын æрвылаз. Мæ куысты фæткмæ гæсгæ æдзух дæн адæмы 'хсæн. Уæдæ æрыгон дæр нал дæн, 58 азы мыл цæуы. Æмæ мæхи хъахъхъæнын». Вакцинаци Цæгат Ирыстоны ацыдысты 15 мин адæймаджы. Уыдонæй 11 мины райстой «Гам КОВИД Вак»-ы дыккаг хай дæр. Нæ бæстæйы вакцинаци у барвæндон хъуыддаг, уыимæ ма лæвар. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv