15 туристон балцвæды августы райдайæнæй срегистраци кодтой æнæнхъæлæджы уавæрты министрады

15 туристон балцвæды ацы мæйы райдайæнæй срегистраци кодтой Æнæнхъæлæджы уавæрты министрады. Ведомствæйæ куыд хъусын кæнынц, афтæмæй арæхдæр Цæгат Ирыстонмæ цæуынц Мæскуы, Карели, Челябинск, Свердловск æмæ Новосибирскы областтæй туристтæ. Уарзондæр бынæттæ альпинитты*хсæн - Хъазыбеджы хох, Дыгургом æмæ Хъæрмæдоны ком. Æдæппæтæй республикæйы регистраци скодтой 17 туристон къорды. Уый у 127 адæймаджы, се `хсæн нæй фæсарæйнаг бæстæты цæрджытæ æмæ сывæллæттæ. Туристон маршрут регистраци скæнæн ис, электрон адресмæ бæрæггæнæнтæ арвитгæйæ. Уыимæ ма, Уæрæсейы æнæнхъæлæджы уавæрты министрады сайты дæр. Регистраци скæныны фадат ис, куыд уæрæсейаг туристтæн, афтæ фæсарæйнæгтæн дæр. Фæнысан кæнын хъæуы балцы рæстæг, маршрут, къорды цал адæймаджы уыдзæн, стæй фæстæмæ кæд хъуамæ сыздæхой, уыдæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv