Цæгат Ирыстоны дарддæр цæуы вакцинаци

Республикæйы дарддæр цæуы вакцинаци. Дохтыртæ сидынц адæммæ, цæмæй ацы хъуыддагмæ куыд фæндыйы цæстæй ма кæсой. Прививкæтæ хъуамæ скæной цæрджыты 60%-ы. Ныртæккæ уал вакцинæ æрвитынц поликлиникæтæм. Гриппы ныхмæ вакцинаци æрвылаз вæййы фæззæджы райдианы. Сентябры кæронмæ хосæй сифтонг кæндзысты алы регион дæр. Специалистты ныхæстæм гæсгæ, цæмæй вакцинæ хорзырдæм сахада адæймагыл, уый тыххæй йе ’скæнынæй хъуамæ рацæуа 2 къуырийы. 2020 азы йæ пъланмæ гæсгæ скæндзысты 418 мин адæймагæй фылдæрæн. Республикæйы фæлхасгæнджытæм цæстдарды управленийы хъусынгæнинагмæ гæсгæ, æхснырсæг æмæ гриппæй рынчын адæмы эпидемиологон уавæр Цæгат Ирыстоны нæ аивта, ома нæ февзæрдæр. Фæлæ дохтыртæ сидынц адæммæ, цæмæй хи хъахъхъæной. Уæ зæрдыл ма уын æрлæууын кæндзыстæм, фарон прививкæтæ скодтой 320 мин адæймагмæ ввахс. Уыдонæй 100 мин - сывæллæттæ. Улубиты Магданæ- Алагиры районы сæйраг рынчындоны дохтыр-эпидемиолог: «Эпидемиологон уавæр хынцгæйæ, мæнмæ гæсгæ, куыд дохтыр, афтæ зæгъдзынæн уый, æмæ прививкæ скæнын у æнæмæнг хъæугæ хъуыддаг. Куыд æй зонæм æмæ уынæм, афтæмæй коронавирусы низ нæ фесæфт. Цæмæй иу низ иннæйыл ма фæхæца, уый тыххæй, æхснырсæджы ныхмæ вакцинæ æнæмæнг кæнгæ у». Цъæрикъаты Мæдинæ- Горæтгæрон районы фæлхасгæнджытæм цæстдарды управленийы территориалон хайады разамонæг: «Ацы аз иммунитет фæхъæддыхдæр кæнын нæ бон у нæ республикæйы цæрджыты 48 %. Уый ты йæ нымæцмæ гæсгæ у 335 мин адæймагæй фылдæр. Сты куыд хистæр кары адæм, афтæ кæстæртæ дæр, студенттæ æмæ скъоладзаутæ. Уыимæ ма 6 мæйæ фылдæр кæуыл цæуы, ахæм сабитæ». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv