Республикæйы хицауады уæнгтæ сбæрæг кодтой Хъæбæлоты Билары номыл стипендийы лауреатты

Республикæйы хицауады уæнгтæ сбæрæг кодтой Хъæбæлоты Билары номыл стипендийы лауреатты. Ацы аз экспертон къамис райста 36 курдиаты. 30 -Уæлдæр ахуыргæнæндæтты студенттæй, 6 та астæуккаг профессионалон организациты ахуырдзаутæй. Кандидатты æвзæрстой экспертон къамисы уæнгтæ сæ сæргъы республикæйы хицауады сæрдар Тускъаты Таймураз, афтæмæй. Равзæрстой 10 кандидатурæйы. Аргъ кодтой наукон-иртасæн куыстæн, æппæтуæрæсеон конкурстæ æмæ олимпиадæты архайдæн, уыимæ ма, ахуыры æнтыстдзинæдтæн. Стипендийы бæрц 10 мин сомы. Снысан æй кæнынц æрвылмæй, иу ахуырадон азмæ. Хъæбæлоты Билары номыл стипенди снысан кодтой 2017 азы. Схорзæхджын дзы кæнынц ахуыргæнæндæтты студенттæй æнтыстдзинæдтæ чи равдисы, уыдоны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv