Сергей Меняйло схорзæхджын кодта Уæрæсейы телеуынынад æмæ радиойы кусджыты

Сергей Меняйло схорзæхджын кодта Уæрæсейы телеуынынад æмæ радиойы хызæгты регионалон филиалы кусджыты. Президент æмæ республикæйы сæргълæууæджы уынаффæтæм гæсгæ майдантæ æмæ ордентæ райстой 7 адæймаджы. Фембæлды ма æрныхас кодтой телеуынынады ног мæсыг сарæзыныл. Æмбæлгæ проект ныридæгæн у цæттæ. Объектæн йæ бындур сæвæрдтой. Ног ретранслятор республикæйы цæрджытæм хæццæ кæндзæн, раздæримæ абаргæйæ, хæрзхъæддæр сигнал. Дзуапп дæтдзæн æппæт нырыккон домæнтæн дæр. Ныхас ма цыд Мамысоны бастдзинады ифраструктурæ саразыныл. Объекттæ уыдзысты курорты архитектурон хуызы конд. Сергей Меняйло бузныджы ныхæстæ ракодта компанийы регионалон филиалæн сæ куысты фæдыл. Бæлвырддæр дзургæйæ та, уæлзæххон телевизион фидиуæны нымæцон эфир парахат кæныны тыххæй. Нæ республикæйы уыд Уæрæсейы фыццаг регион, фыццаг æмæ дыккаг мультиплекс кæм кусынц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv