Мæздæджы 500 бынатæн скъолайы арæзтад кæронмæ æрхæццæ

Мæздæджы 500 бынатæн скъолайы арæзтад кæронмæ æрхæццæ. Уый тыххæй хъусын кæнынц республикæйы арæзтад æмæ архитектурæйы министрадæй. Ныртæккæ скъолайæн аив кæнынц йæ кæрт. Ног скъолайы ис кусæнуæттæ, хæрæндон æмæ æндæр хъæугæ уæттæ. Уæ зæрдыл уын æрлæууын кæндзыстæм, объекты арæзтады куыстытæ цыдысты паддзахадон программæ «Развитие образования»-йы фæлгæты. Ног ахуыргæнæндон фæзынд. Дзæуджыхъæуы 18-æм микрорайоны дæр. Скъолайы арæзтад æрæджы кæронмæ æрхæццæ. Къухы бафтыд «Жильё и городская среда», зæгъгæ, федералон программæйы руаджы. Бынат дзы ис 500 скъоладзауæн. Бæстыхай хуымæтæг нæу, у тымбыл амад. Ахæм хуызы арæзтад подрядон организаци фыццаг хатт не скодта. Фыццаг æмæ дыккаг уæладзгуытæ ифтонг сты электрон системæйæ. Уымæй дарддæр ма скъолайы кæрты ис футболæй æмæ баскетболæй хъазынæн фæз. Уæлдай æргом аздæхтой æдасдзинад æмæ зынгсирвæзтыты ныхмæ домæнтæ æмбæлгæ хъуызы æххæст кæнынмæ. Скъолайы фæзуат егъау у. Банывыл æй кодтой дизайнертæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv