Плиты Иссæйы хæдзар-музейы
40 азы размæ республикæйы арæзт æрцыд Советон цæдисы дыууæ хатты хъæбатыр, Монголийы адæмон республикæйы хъæбатыр, зындгонд æфсæддон разамонæг Плиты Иссæйы музей. Фыдыбæстæйæн цы стыр лæггад бакодта, уымæн ӕмбӕлгӕ аргъ скæнæн нæй. 40 азмæ музейы сæмбырд кодта егъау коллекци. Документтæ, уæлæдарæс, хи дзауматæ, стæй нæ кадджын æмзæххоны бирæ хæрзиуджытæ. Алы экспонат дæр бирæйыл дзурæг у - йæ уæлахизтæ æмæ йæ царды ахсджиаг цаутæ. Специалисттæн бантыст саразын, Плиты Иссæ кæм куыста, уыцы кабинет. Бахъахъхъæнын бантыст библиотекæ дæр.