Æппæтуæрæсеон адæмон фронты регионалон штабы уæнгтæ федтой Рахизфарсы районы скъолаты хæрæндæттæ

Республикæйы скъолаты хæрæндæтты куыстмæ ис бæстон цæстдард. Сывæллæтты хъарм хæринагæй куыд ифтонг кæнынц, уый базоныны тыххæй та радон рейды рацыдысты Æппæтуæрæсеон адæмон фронты минæвæрттæ. Базыдтой скъоладзауты хъуыдытæ. Сбæрæг кодтой хæринаджы хæрзхъæддзинад. Беслæнмæ араст не сфæлдыстадон къорд дæр. Беслæны 6-æм скъолайы аходæн цæуы сæрмагонд фæткмæ гæсгæ. Фынгтыл тæвд цай æмæ дзул. Абоны менюйы котлет æмæ макъаронтæ. Æппæтуæрæсеон адæмон фронты уæнгтæ федтой скъолайы хæрæндон. Тагъд рæстæджы дзы райдайдзысты цалцæггæнæн куыстытæ. 30 азы дæргъы аивгонд не рцыд. Кæд дзы æмбæлгæ уавæртæ нæй, уæддæр хæрæндоны у сыгъдæг. Кусджытæ сæрмагонд уæлæдарæсы. Фæлæ эксперттæм кусæнгæрзты фæдыл разынд фиппайнæгтæ. Беслæны райдиан кълæсты ахуыр кæны 415 скъоладзауы Сихор дзы хæрынц 62 скъоладзауы льготæтæ чи исы, ахæмтæ. Уæдæ Беслæны 7-æм скъолайы дæр аразынц хæрзад хæринаг. Сихоры фынг рауайы бæркадджын. Тæбæгъы уæз уагæвæрдмæ гæсгæ у гыццыл фылдæр. Фæлæ экспертты ныхæстæм гæсгæ, уый æвзæр нæу. Хæринаг райста сæрмагонд бæрæггæнæг. Æппæтуæрæсеон адæмон фронты регионалон хайады уæнгтæ федтой хойрæгтæ дарæн бæстыхай дæр. Ам ис 3 уазалгæнæны. Сæрмагод домæн – дзидза æмæ кæсаг хъуамæ æнæмæнгæй æвæрд цæуой хицæнтæй. Беслæны 5-æм скъолайы хæрæндоны ис 108 бадæн бынаты. Ам райдиан кълæсты ахуыр кæны 164 сывæллоны. Уыдоны хыгъды льготæтæ чи исы, ахæм скъоладзаутæ дæр. Æппæтуæрæсеон адæмон фронты регионалон штабы эксперттæ ма федтой хойрæгты сæрмагонд журнал. Санитарон эпидемиологон домæнтæм гæсгæ, ахæм журнал у æнæмæнг. Гæххæттытæ сты æмбæлгæ уавæры. Ахуыры азы райдианæй Æппæтуæрæсеон адæмон фронты регионалон штабы уæнгтæ федтой нæ республикæйы 83 хæрæндоны. Фæстаг хатт уыдысты Рахизфарсы районы. Цы федтой, уымæй разыйæ баззадысты. Цы хъæндзинæдтæ та ссардтой, уыдон арвитдысты районы администраци æмæ ахуырады управленимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv