Цæгат Ирыстоны ацыдысты дæсныйадæвдисæн ахуыртæ чъиритæ фыцынæй

Хæрзад ирон чъиритæ скæныны сусæгдзинæдтæ хъахъæнынц цæсты гагуыйау. Фæлтæрæй-фæлтæрмæ сæ хæццæ кæнынц. Абон сæ базыдтой Куыртатты комы дæсныйадæвдисæг ахуырты архайджытæ дæр. Алыхуызон гахæимæ чъиритæ сфыхтой куыд республикæйы цæрджытæ, афтæ иннæ регионтæй уазджытæ дæр. Се'хсæн дæсны чъиритæгæнджытæ æмæ, сæхи ныр фæлварын чи райдыдта, ахæмтæ. Чъиригæнæджы алы фезмæлдмæ дæр республикæйы цæрджытæ æмæ уазджытæ цымыдисæй кæсынц. Чъиритæ ракæнын æнцон хъуыддаг нæу. Алы лыстæгдзинадмæ дæр хъæуы æргом здахын. Дæсныйадæвдисæн ахуыртæ аразы ирон чъиритæ зындгонд фыцæг Чыпырыты Мæдинæ. Чыпырыты Мæдинæ банчы куыста экономистæй. Фæстæдæр æрцард нæ бæстæйы сæйраг горæты. Бирæ рæстæг йæ бон куыст ссарын нæ уыд. Уæд Мæдинæ сфæд кодта райдайын ирон чъиритæ фыцын. Куыд радзырдта, афтæмæй йæ чъиритæ кæнын сахуыр кодта йæ нана. Ныртæккæ Мæдинæ кусы кусы хойрæгты комбинат «Кремлевский»-йы. Дæсныйадæвдисæн ахуыртæ саразы куыд Ирыстоны, афтæ Мæскуыйы дæр. Уый руаджы алы регионтæй архайджытæ зонынц ирон чъириты ад. Кортиаты Екатеринæ Ростовы облæсты цæры. Уый дæр бафæндыд ирон чъиритæ кæнын. Æртæ мæйы размæ йæ сæры хицауимæ Шахты горæты байгом кодтой сæхи куыстуат. Сæрмагондæй Ирыстонмæ ссыд дæсныйадæвдисæн ахуырты бацархайынмæ. Дæсныйадæвдисæг ахуырты архайынц Цæгат Ирыстоны цæрджытæ дæр. Кæд ирон чъиритæ куыд кæнын хъæуы, уый алы сылгоймаг дæр зоны, уæддæр дзы алчидæр сфæнд кодта Чыпырты Мæдинæйы сусæгдзинæдтæ базонын. Ахуырты архайджытæ æрбаногом сты социалон хызæгты æххуысæй дæр. Ирон фынджы фидауц, чъириты рецепт фæзынди цалдæр æнусы размæ. Ахæм дæсныйадæвдисæг ахуырты руаджы хæццæ кæны иннæ фæлтæртæм дæр. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv