Сергей Меняйло архайдта Татьяна Голиковайы разамындимæ сæрмагонд æмбырды

Цæрджыты вакцинацийыл дзырдтой сæрмагонд æмбырды. Амыдта йæ вице-премьер Татьяна Голикова. Видеобастдзинады фæрцы дзы архайдта Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло. Радзырдта коронавирусы уавæры тыххæй регионы æмæ вакцин ацигæнæн кампанийы тыххæй. Афтæмæй республикæйы прививкæтæ скодтой 113 мин адæймагæй фылдæр. Привикæгæнæн пункттæ куы райсæм, уæд 12 сты сæйраг, 47 кусынц фелсырон-акушерон пунктты, 32 та сты мобилон бригадæтæ. Уæлдай æргом дохтыртæ здахынц ацæргæ адæмы æнæниздзинадмæ. Специалисттæ семæ ныхас кæнынц, æмбарын сын кæнынц, тæссаг низæй хи бахъахъхъæнын кæй хъæуы, уый. Фæлхасгæнджыты бартæ хъахъхъæнæг Федералон Службæйы фæнысан кодтой, статистикæмæ гæсгæ кæй рабæрæг вæййынц æрмæстдæр ирдæй бæрæг симптомтимæ рынчынтæ. Профилактикон мадзалæн хъæуы аразын тестытæ, цæмæй рагацау рабæрæг кæнæн уа низ æнæ симптомтæй кæмæ ис, уыдоны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv