Хуссар Ирыстоны коронавирусæй рынчынтыл суткæмæ бафтыд 5 адæймаджы

Хуссар Ирыстоны коронавирусæй рынчынтыл бафтыд. Ивгъуыд суткæмæ тæссаг низ рабæрæг кодтой 5 адæймагмæ. Пандемийæйы райдианӕй республикæйы фæрынчын сты 367-ӕй. Уæрæсеимæ арæнтæ куы байгом сты, уæдæй нырмæ та - 277 адæймаджы. Сæйраг санитарон дохтыр Кочиты Маринæйы ныхæстæм гæсгæ, инфекцион рынчындоны ис 84 адæймаджы. Раздæр Хуссар Ирыстоны президент Бибылты Анатолий курдиат арвыста Уæрæсейы хъахъхъæнынады министрадмæ. Уымæ гæсгæ тæссаг низимæ тох кæнынæн Цхинвалы байгом кæндзысты æфсæддон-быдырон госпиталь. Хъæугæ кусæнгарзтимӕ профилон кусджыты медицинон уагдоны æххуыс райсæн уыдзæн 150 адæймагæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv