ЦИПУ йы байгом персайнаг æвзаджы курсытæ

Райгуырæн ирон æвзагæн дард персайнаг æвзагимæ цас иудзинæдтæ ис? Уый зонынц персайнаг æвзаджы курсытæм чи цæуы, уыдон. Цæгат Ирыстоны паддзахадон университеты ирайнаг культурæйы центры байгом и æвзагзонынады курсытæ. Хи ныффысæн сæм ис аз дыууæ хатты. Аххæсынц 3 мæйы. Персайнаг æмæ ирон æвзагмæ бирæ иудзинæдтæ ис. Уый бæлвырдæй зонынц персайнаг æвзаджы иртасыны курсытæм чи цæуы, уыдон. Ам, Цæгат Ирыстоны паддзахадон университеты ирайнаг культурæйы центры, сæм аз дыууæ хатты ис хи ныффыссæн æмæ базонгæ уæвын ацы æвзагимæ. Æрмæст ахуыргæнæндоны кусджытæ æмæ студенттæ нæ бæрæг кæнынц курсытæ. Цæуынц сæм цымыдис кæмæн у, уыдон иууылдæр. Цымыдис та уый у, æмæ райгуырæн ирон æвзаг дард персайнаг æвзагимæ æмхуызон кæй сты. Курсытæм адæмы исынц æвзагзонынады æмвæзадмæ гæсгæ. Аххæсынц 3 мæйы. Кæронбæттæны ахуырдзаутæ райсынц сертификаттæ. Ахуыртæ кæнынц Цæгат Ирыстоны паддзахадон университеты Ирайнаг культурæйы специалисттæ. Уыдон куыд фæнысан кодтой, афтæмæй фæстаг рæстæг персайнаг æвзагыл дзурын базонын кæй фæнды, уыдоны нымæц зынгæ сырæзт. Уæдæ университеты архайынц сæрмагонд программæйы райрæзтыл. Йæ фæлгæты магистранттæ 2-æм курсы ацæуынц ахуыр кæнынмæ Тегераны раззагдæр университеттæй иумæ. Цæгат Ирыстоны паддзахадон университет хъæддых кæнынц Ираны республикæимæ ахастдзинæдтæ. 2019-æм азы Ираны минæвар Уæрæсейы схорзæхджын кодта Цæгат Ирыстоны паддзахадон университет персайнаг æвзагзонынады æнтыстджын куысты тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv