Дзæуджыхъæуы цæуы аив кæсджыты республикон æркаст

Хетæгкаты Къостайы сфæлдыстадимæ алы ирон адæймагæн дæр зонгæ у. Фæсивæдон галуаны сценæйыл скъоладзаутæ ерыс кæнынц аив кæсынæй. Харебаты Азæмæт æркастмæ йæхи цæттæ кодта мæй. Аив кæсджыты конкурс "Ирон фæндыр"-мæ саккаг кодтой республикæйы æппæт районтæй скъоладзаутæ æмæ сывæллæтты рæвдауæндæтты хъомлыгæнинæгтæ. Номинацитæ сты цалдæр, сæ архайджыты нымæц та 259. Рæзгæ фæлтæры курдиатæн аргъ кæндзæн фæлттæрдджын жюри — йе уæнгтæ систы ирон театры артисттæ, ахуырады къабазы кусджытæ. Уæлдай æхсызгон сын у, архайджыты нымæц æрвылаз кæй рæзы, уый. Æркаст ахæсдзæн дыууæ боны. Абон сæ курдиат равдыстой скъоладзаутæ, райсом та сывæллæтты рæвдауæндæтты хъомылгæнинæгты рад у. Алы кары æмæ номинацийы дæр сбæрæг кæндзысты хуыздæрты. Уæлахиздзаутæ райсдзысты зæрдылдарæн лæвæрттæ æмæ сертификаттæ. Аив кæсджыты республикон конкурс "Ирон фæндыр" расидтысты 11-æм хатт. Мадзаларазджытæ куыд фæнысан кодтой, афтæмæй йæ сæйраг нысан у фæсивæды 'хсæн мадæлон æвзаг парахат кæнын, номдзыд поэты номæн кад кæнын æмæ æрыгон курдиæттæ рабæрæг кæнын. Республикон конкрус "Ирон фæндыр" æрвылаз баст вæййы ирон литературæйы бындурæвæрæг Хетæгкаты Къостайы райгуырды бонимæ.