Дур Дуры амбулатори райдыдта кусын бындурон цалцæджы фæстæ

Дур-Дуры бындурон цалцæджы фæстæ байгом амбулатори. Сног æй кодтой федералон программæйы руаджы. Бæстыхайы баивтой æппæт коммуникацитæ, базылдысты йын йе ддаг бакастмæ дæр. Аиуварс кæнын ма хъæуы ифтонгады фарста. Хъæуы цæрджытæ тыхстысты, амбулатори уый аххосæй кусын куы нæ райдайа. Сæ курдиат бахастой республикæйы сæргълæууæг Сергей Меняйломæ. Дур-Дуры амбулаторийы лаборант Дзагкойты Аллæ медицинон иртæстытæ кæны ног кусæнгæрзты руаджы. Уæрæх райдзаст бæстыхайы фæзынд нырыккон микроскоп, стерилизаци кæнынæн æмæ туджы биохимикон иртæстытæн гæрзтæ. Амбулаторийы фадат ис боныгон хи дзæбæх кæнынæн дæр. Уымæн дзы ис сæрмагонд палатæ дыууæ бынатимæ. Сифтонг æй кодтой туаггуыры концентратор æмæ дефибриляторæй дæр. Уый руаджы медицинон æххуыс бакæнæн ис æвæстиат уавæры дæр. Кусæндоны ис рециркулятортæ уæлдæф сыгъдæг кæныæн. Амбулатори бындурон цалцæджы фæстæ байгом къуырийы размæ. Медицинон кусджытæ ног уавæрты кусынæй сты разы. Амбулаторийы бындурон цалцæг 20 азæй фылдæр нæ уыд. Куыстытæ баххæст кодтой федералон программæйы фæлгæты. Уыцы рæстæг амбулаторийы специалисттæ куыстой бынæттон администрацийы бæстыхайы. Амбулаторийы баивтой æппæт коммуникацитæ дæр. Хъармгæнæн æмæ дондзæуæн системæтæ, рухс. Раздæр процедурæтæ кæнæн кабинетæй йеддæмæ дон медицинон кусæндоны нæ уыд. Ныр, æппæт кабинетты дæр фæзынд æппæт хъæугæ уавæртæ. Базылдысты амбулаторийы æддаг бакастмæ дæр. Объектæн ногæй баивтой йæ сæр. Амбулаторийы цалцæг кæронмæ æрхæццæ. Фæлæ, йæ ифтонгады фарста лыггонд не 'рцыд. Хъæуы цæрджытæ сæ курдиат бахастой республикæйы сæргълæууæг Сергей Меняйломæ. Регионы разамонæг ныфс бавæрдта, хъуыддагмæ æргом аздахдзысты. Цыбыр рæстæгмæ фæрзт рахай кодтой. Æппæт хъæугæ медицинон кусæнгæрзтæ æмæ техникæ дæр фæзынд амбулаторийы. Ныр медикты бон у æххæстæй хъæуы цæрджытæн æххуыс кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv