Паддзахадон автоинспекцийы кусджытæ ахуыры азы райдайæнмæ аразынц сæрмагонд сгæрстытæ

Цæгат Ирыстоны Паддзахадон автоинспекцийы кусджытæ ахуыры азы райдайæнмæ аразынц сæрмагонд сгæрстытæ. Бæрæг кæнынц скъолатæн сæ автобусты техникон цæттæдзинад. Мадзал арæзт цæуы Æрæфы районы. Инспектортæ æркастысты, автобусты аптечкæтæ стæй зынгхуыссынгæнæнтæ, æвæстиатон æрлæуды нысæнттæ æмæ æндæр хъæугæ гæрзтæ сæм ис, æви нæй. Уæлдай фылдæр æргом здахынц рухсдæттæг гæрзтæм, шофырмæ фæсидыны кънопкæмæ, хъæрæй дзурынæн мигæнæнтæм, уыимæ æдасдзинады рæттæй ифтогадмæ. Уымæй уæлдай ма Паддзахадон атвоинспекцийы кусджытæ автобусты шофыртимæ кæнынц профилактикон ныхас, амонынц сын, куыд ахсджиаг у фæндаггон æдасдзинады домæнтæ æххæст кæнын. Ис сыл уæлдай бæрнон хæсæвæрд, уымæн æмæ дзуапп дæттынц сабиты æдас æмæ æнæфыдбылыз фæндагæн. Уый хынцгæйæ, транспорты æдзух дарынц сæйраг домæнты тыххæй зæрдылдарæн фыстæджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv