Проектон офисы æмбырды æрныхас кодтой программæ «Культурæ» йы райрæзтыл

Дзæуджыхъæуы радон хатт ацыд проектон офисы æмбырд. Амыдта йæ республикæйы сæргълæууæг Битарты Вячеслав. Æрдзырдтой чинынгдæтты фарстатыл. Къабазы кусджытæ куыд бафиппайдтой, афтæмæй чингуыты фонд базæронд. Республикæйы библиотекæтæ ног чингуытæй 20 азы дæргъы ифтонггонд не 'рцыдысты. Æмбырды архайджытæ ма уæлдай æргом аздæхтой сабитæн чингуытæ ирон æвзагыл парахат кæнынмæ. Ирон поэт Гуырдзыбеты Блашкайы хæдзар ныр ис республикæйы бæрны. Йæ рацарæзты æмæ музейы равзæрдмæ æргом здæхт æрцыд. Бæстыхай специалисттæ федтой. Объекты проект цæттæ уыдзæн апрелы кæрон. Ныхас ма цыд чиныгдæттыл дæр. Республикæйы ныртæккæ ис 133 библионтекæйы. Арæх сæм разыны райхалинаг фарстатæ. Сæ ахсджиагдæртæй иу сæ ифтонгад. Сæ чингуыты фонд базæронд, къабазы кусджыты ныхæстæм гæсгæ сæ 20 азæй фылдæр сног кæнын нæ бантыст. Уæдæ специалисттæ дæр нæ фаг кæны. Сæ мызд ныллæг кæй у, уымæ гæсгæ. Æмбырды куыд фæнысан кодтой, афтæмæй республикæйы чиныгдæтты специалисттæн аразын хъæуы дæсныйад æвдисæн ахуыртæ Уæрæсейы раззагдæр чиныгдæтты. Нæ фаг кæны нырыккон техникæ дæр. Битарты Вячеслав бахæс кодта бакусын æмбæлгæ программæйыл районты уавæр хынцгæйæ. Æмбырды архайджытæн равдыстой сывæллæттæн чингуытæ иронау парахат кæныны проект. Йæ фæлгæты ногæй мыхуыры рацæудзысты номдзыд уацмыстæ сабитæн нырыккон хуызы. Сæ хыгъд у цæттæ. Раззагдæр программæ «Культурæ»-йы разамонæг Атайиы Мадинæ куыд фæбæрæг кодта, афтæмæй ныртæккæ цы чингуытæ ис сывæллæттæн, уыдон кæсынмæ нал бæззынц. Чингуытæ ма гæнæн ис æмæ фæзыной аудио хуызы. Сабиты чингуыты фæзындзæн сæрмагонд кусæнгарз. Йæ руаджы байхъусæн уыдзæн аргъæуттæм. Кæсдзысты сæ ирон театры актертæ. Битарты Вячеслав фæнысан кодта, ахæм чингуытæ парахат кæнын хъæудзæн республикæйы скъолаты дæр. Уыимæ ма, саразын фадæттæ, цæмæй сабитæн чингуытæ иронау фæзыной чырæ телефонты дæр. Æрныхас ма кодтой анестезиологи æмæ реаниматологийы службæйы рæзты проектыл. Æххæстгонд цæуы фæткмæ гæсгæ. Ныртæккæ цæттæ кæнынц гæххæтытæ республикон клиникон рынчындоны реаниматологийы хайад сцалцæг кæнынæн. Специалистты цæттæдзинады фарста дæр у ахсджиаг. Дохтырты фыццаг къорд ацыдысты ахуыртæ Беслæны бирæвæрсыг медицинон центры. Ныр та æмбырд кæнынц специалистты дыккаг къорд. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv