3 азæй 16 азы онг кæуыл цæуы, ахæм сывæллæттæ цы бинонты ис, уыдонæн æхцайы фæрæзтæ фидын райдыдтой

Миллиард сомæй фылдæр Уæрæсейы Пенсион фонды цæгатирыстойнаг хайад бафыста 3 азæй 16 азы онг кæуыл цæуы, ахæм сывæллæттæ цы бинонты ис, уыдонæн. Курдиæттæ исгæйæ æппæты арæхдæр рæдыд у банчы реквизиттæ раст кæй нæ баххæст кодтой уый. Ахæм уавæры паддзахадон лæггæдты порталы курдиат бæлвырдгонд æрцæудзæн, фæлæ адæм сæ фæрæзтæ нæ расйдзысты. Уавæр сраст кæнынæн Пенсион фонды кусджытæ дзурынц курдиат чи балæвæрдта уыдонмæ æмæ реквизиттæ сбæлвырд кæнынц. Специалисттæм бадзурæн ис сæрмагонд номырмæ дæр - 51-80-92. Æхцайы фæрæзтæ лæвæрд цæуынц иу хатт æмæ сæ бæрц у 10 мин сомы. Курдиат ныууадзæн ис паддзахадон лæггæдты порталы 1-æм октябры онг. Курдæттыл бакусынц 5 бонмæ, æхцайы фæрæзтæ фыст æрцæуынц æртæ боны æмгъуыдмæ. Материалон æххуысæй спайдагæнæн ис алкæмæндæр, бинонты æфтиæгтæ æмæ социалон æххуысы фиддонтæй аразгæ нæу. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv