Уæрæсейы æфсæддонты схорзæхджын кодтой Хуссар Ирыстоны паддзахадон хæрзиуджытæй

Уæрæсейы æфсæддонтæ Хуссар Ирыстоны цы мобилон госпиталь байгом кодтой, уый сæ хæстæ сæххæст кодта. Куы байгом ис, уæдæй нырмæ дзы сдзæбæх кодтой 200 адæймагæй фылдæр. Сарæзтой 2 мин коронавирусы иртæсты. Амбулаторон хуызы баххуыс кодтой мин æмæ`рдæгæн. Медицинон госпиталы хицау, дæлбулкъон Расул Муртазалиев куыд радзырдта, афтæмæй эпидемиологон уавæр Хуссар Ирыстоны фæхуыздæр. Зын рæстæг адæмы раз кæй æрбалæууыдысты, уый тыххæй мобилон госпиталы къордæн бузныг загъта республикæйы президент Бибылты Анатолий. «Æфсæддон æмхæларады фæдыл» æмæ «Хуссар Ирыстоны сабырдзинады тыххæй службæ»-йæн Хурныгуылæн æфсæддон зылды 120 адæймаджы схорзæхджын кодта Хъахъхъæнынады министрады майдантæй. Уæ зæрдыл уын æрлæууын кæндзыстæм, Уæрæсейы æфсæддон госпиталь Хуссар Ирыстонмæ æрцыд 27 октябры. Цхинвалы сарæзтой мобилон рынчындон, 100 бынатæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv