Тагъд медицинон æххуысы фæдыл станцтæ кусы фæткмæ гæсгæ

Æххуысы фæдыл чи рбадзырдта, уый бæрæггæнæнтæ æрцыдысты нысангонд. Уый фæстæ сæ фæхæццæ кæнынц тагъд медицинон æххуысы бригадæмæ. Афтæмæй, дохтыртæ æвæстиатæй атагъд кæнынц рынчынмæ. Маскæтæ æмæ æрмкъухтæ, уыимæ пациентæн йæ буары тæвд бæрзонд куы уа, уæд æнæмæнг сæрмагонд хи хъахъхъæнæн костюм. Хæдтулгæйы та ис æххуыс бакæнынæн æппæт хъæугæ гæрзтæ дæр. Рæуджыты аппарат, реанимацийæн хъæугæ гæрзтæ æмæ кардиограф. Бригадтæ фыццаджыдæр архайынц æвæстиаты æххуыс кæй хъæуы, уыдоны фарсмæ æрбалæууын. Цæрджыты курдиæттæ æдзух цæттæ сты телефонæй исынмæ. Дзырдæн, суткæмæ æрбадзурынц сæдæ адæймагæй фылдæр. Дохтыртæ ахæм уæззау куысты фæткмæ гæсгæ фыдæбон кæнынц ныр æртыккаг аз. Ахсджиаг вæййы сбæрæг кæнын пациенты рынчындонмæ фæхæццæ кæнын хъæуы, æви дарддæр æххуыс исдзæн хæдзары, уый. Суткæмæ линимæ рацæуынц тагъд æххуысы 82 бригады. Фылдæр, зæрдæйы низтæ кæмæ ис, уыдонмæ, кæнæ коронавирусы фæстæ йе 'нæниздзинад кæмæн фæцудыта, уыдонмæ. Тагъд æххуысы медицинон хæдтулгæтæ станцæйы иу минут дæр нæ фæстиат кæнынц. Æххуысы фæдыл адæм радыгай дзурынц. Æххуыс кæнынц сыхаг районты кусджытæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv