Цæгат Ирыстоны бакусдзысты библиотекæтæ æмæ музейты хъуыддæгты райрæзты программæйыл

Цæгат Ирыстоны бакусдзысты библиотекæтæ æмæ музейты хъуыддæгты райрæзты программæйыл. Уый тыххæй сæрмагонд æмбырды фехъусын кодта Цæгат Ирыстоны райрæзты агентады «Культурæ»-йы къабазы разамонæг Атайты Мæдинæ. Æмбырды сæрдариуæг кодта Азымты Иринæ. Атайты Мæдинæйы ныхæстæм гæсгæ сног кæндзысты чингуыты фонд. Хъæуты æмæ республикæйы чиныгдæттæ райсдзысты ног чингуытæ. Уыимæ ма ифтонггонд æрцæудзысты хъæугæ техникæйæ. Ныртæккæ ацы къабазы фидаргонд цæуынц «фæндаггон картæтæ». Æмбырды архайджытæ ма æрдзырдтой «Одаренные дети», зæгъæ, конкурсыл. Телепроекты финалисттæ араст уыдзысты Петербургмæ. Уым ацæудзæн кæронбæттæн эфир «Эпилог», зæгъгæ. Азымты Иринæ куыд бафиппайдта, афтæмæй Цæгат Ирыстоны курдиатджын сабитæм уæлдай æргом здæхт цæуы. Аразынц сын хъæугæ уавæртæ. Уый у нырыккон ахуырады раззагдæр фæзилæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv