Сывæллæтты Республикон клиникон рынчындоны соматикон корпус æмæ ног поликлиникæйы арæзтад дарддæр цæ

Сывæллæтты клиникон рынчындоны соматикон корпусы рацарæзт кæронмæ фæхæццæ кæны. Ифтонггонд у зынгсирвæзты ныхмæ нырыккон системæйæ æмæ хъæугæ кусæнгæрзтæй. Инфекцион хайады зæронд бæстыхайы бынаты фидæны фæзындзæн консультативон поликлиникæ. Корпус уыдзæн нырыккон техникæ. Бæлвырддæр нæ дарддæры æрмæджы. Сывæллæтты соматикон корпусы ис 4 уæладзыджы. Куыстытæ дзы минут дæр не ’рлæууынц. Ныридæгæн ахорынц къултæ, аразынц цартæ. Объект экслуатацийы ратдзысты августы астæу. Сывæллæттты рынчындоны хи дзæбæх кæныны фадат уыдзæн 200 адæймагæн. Ног корпус ифтонггонд у зынгсирвæзты ныхмæ нырыккон системæйæ. Чысыл пациенттæн дзы радих кодтой хицæн уат хъазынæн. Хæрæндоны дæр бынат ис алы кары сывæллæттæн. Æппæт хъæугæ уавæртæ дзы сарæзтой, йе ’нæниздзинад хъыгдæрд кæмæн у, уыцы сабитæн. Инфецион хайадæн йæ раздæры бæстыхайы бынаты та хæстæгдæр рæстæг фæзындзæн консультативон поликлиникæ. Ныртæккæ дзы цæуынц мидæггаг куыстытæ. Дзæбæхгæнæндон бонмæ исдзæн 150 адæймаджы. Ацы бынаты уыдзæн иртасæнты сæрмагонд клиникæ. Чысыл пациенттæн дзы араздзысты МРТ-диагностикæ дæр. Республикæйы æвзæр эпидемиологон уавæр кæй сæвзæрд, уымæ гæсгæ арæзтад баурæдтой. Фæлæ специалистты ныхæстæм гæсгæ, æппæт куыстытæ дæр баххæст кæндзысты афойнадыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv