Æрыдоны районы пъæлицæйæгтæ сарæзтой профилактикон акци «Стоп, мошенник!»

Æрыдоны районы пъæлицæйæгтæ сарæзтой профилактикон акци «Стоп, мошенник!», зæгъгæ. Йæ фæлгæты радхæссæг пъæлицæйæгтæ æмæ Мидхъуыддæгты министрады Æрыдоны районы æнахъом сывæллæтты хъуыддæгты фæдыл дæлхайады кусджытæ адæмæн æмбарын кодтой цæстфæлдахджыты фæлитой миты тыххæй. Акцийы сæйраг нысан – адæмæн бацамонын, Интернеты æмæ мобилон бастдзинады руаджы закъонхалджытæ цы митæ кæнынц, уый. Сæрмагонд цæстдард аздæхтой хистæр кары цæрджытæм. Фыдракæндты уацары арæхдæр бахауынц ацæргæ адæм. Специалисттæ сидынц цæрджытæм, цæмæй хи тыххæй информаци æнæзонгæ адæмæн ма хъусын кæной, æмæ банчы картæты бæрæггæнæнтæ макæмæн дзурой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv