Социалон объектты бындурон цалцæгæн рахай кæндзысты 74 милуан сомæй фылдæр

Цæгат Ирыстоны социалон объектты бындурон цалцæгæн рахай кæндзысты 74 милуан сомæй фылдæр. Æдæппæтæй федералон фæрæзтæй нæ республикæйæн радих кодтой 230 милуан сомæй фылдæр. Уый тыххæй фехъусын кодтой республикæйы парламенты пресс-службæйæ. Финансты министры фыццаг хæдивæг Оксана Карова радзырдта республикæйы бюджетмæ 2020-ӕм азы хаст ивддзинæдты тыххæй, уыимæ 2021-æм æмæ 2022-æм азтæм дæр. Æппæты фылдæр æхцайы фæрæзтæ рахай кæндзысты арæзтад æмæ архитектурæйы министрадӕн - 74 милуан 300 мин сомы. Уыцы æхцатæй фæнд кæнынц бындуронæй Хуымæллæджы сывæллæтты рæвдауæндон, уыимæ Мичурино, Зилгæ, Рассвет æмæ Дур-Дуры культурæйы хæдзæрттæ сцалцæг кæнын. Сараздзысты ма «Горный воздух» уагдоны хъармгæнæн æмæ æртæ спортивон фæзуаты. Æмткæй райсгæйæ республикон бюджеты дефицит уыдзæн 100 милуан сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv