Уæллаг Ларсы æвæрын райдайдзысты асфальт

13-æм ноябрæй æмæ мæйы кæронмæ Уæллаг Ларсы æвæрын райдайдзысты асфальт. Куыстытæ цæудзысты уадзæн пункты Гуырдзыстонæй Уæрæсемæ æрбахизӕны 'рдыгæй. Къæпхæнгай æрæхгæндзысты, æппæт транспорты хуызтæ дæр кæуылты цæуынц, уыцы бæстыхай. Цæгат-Кавказы таможнæйы управлени рагагъоммæ хъусын кæны шофыртæн, цæмæй агурой уæзтæ ласынæн æндæр фæндæгтæ. Сæ зæрдыл сын лæууын кæны, Азербайджанимæ арæны хæдтулгæтæ уадзæн æртæ æппæтадæмон пункты кæй кусы, уый.