1801 адæймаджы рынчын сты коронавирусæй Цæгат Ирыстоны

Коронавирусæй рынчынты нымæц Цæгат Ирыстоны ацы сахатмæ у 1801. Ивгъуыд суткæмæ сыл бафтыд 78 адæймаджы. Уый тыххæй хъусын кæны нæ республикæйы фæлхасгæнджытæм цæстдарды управлени. Рынчынтæн медицинон æгъдауæй æххуыс кæнынц дохтыртæ. Лæмбынæг цæстдард цæуы, рынчынтæ хæстæг кæимæ æмбæлыдысты æмæ ныхас кæимӕ кодтой, уыдонмæ дæр. Æдæппæтæй COVID-ы аххосæй республикæйы фæмард 14 адæймаджы. 308 коронавирусæй сдзæбæх сты. Фæсарæнтæй чи сыздæхт æмæ дохтыртæ кæмæ кæсынц, уыдоны нымæц у 2 205 адæймаджы. Карантины хыгъдæй ист адæмы нымæц та - 3 216 адæймаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv