Хицауады сæрдар Тускъаты Таймураз сарæзта оперативон штабы æмбырд

Нæ республикæйы хицауады сæрдар Тускъаты Таймураз видеобастдзинады фæрцы сарæзта оперативон штабы æмбырд. Æнæниздзинад хъахъхъæны министр Годжыцаты Тамерлан куыд бафиппайдта, афтæмæй нæ республикæйы коронавирусы низæй рынчытæ бонæй бонмæ фылдæр кæнынц. Йæ ныхæстæм гæсгæ Цæгат Ирыстоны хи къухты чи ис, ахæм медицинон куыстуат фæнд кæны коронавирусæй рынчынтæн баххуыс кæнын. Уымæй уæлдай, Цæгат Ирыстонмæ æрбаласдзысты сæрмагонд томограф. Уый руаджы рæуджыты низ рабæрæг кæнæн уыдзæн рагацау. Тагъд æххуысы клиникон рынчындоны сæйраг дохтыр Хъаныхъуаты Сергей радзырдта, коронавирусæй рынчынты куыд дзæбæх кæнынц æмæ дохтыртæн цавæр кусæнгарз нæ фаг кæны, уый тыххæй. Æхсæнадон транспорты æрлæууæнтæ, бирæфатерон хæдзæртты бацæуæнтæ, хъуамæ дарддæр дæр пырхгонд цæуой сæрмагонд буаргъæдтæй. Уымæй уæлдай хъуамæ алы адæймаг дæр зона нæ республикæйы эпидемиологон уавæры тыххæй. Ахсджиаг у фæкæсын кæмæ хъæуы уыцы бинонтæн баххуыс кæнын - фæнысан кодта Тускъаты Таймураз.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv