Ног ахуыры азы райдианмæ пенсион фонд исын райдыдта курдиæттæ фиддонтæ райсыны фæдыл

Пенсион фонды регионалон хайады исын райдыдтой курдиæттæ ног ахуыры азмæ фиддонтæ райсыны фæдыл. Президенты бадзырдмæ гæсгæ фиддоны нымæц у 10 мин сомы, райсæн æй уыдзæн æрмæст иу-хатт скъоладзаутæ цы бинонты ис, уыдонæн. Æхцайы фæрæзтæ райсынæн курдиат ныууадзæн ис æхсæзаздзыдæй йæ сывæллоны скъоламæ ацы аз кæмæн бацæудзæн, уыдонæн дæр. Ныхас цæуы 6 азы 1-æм сентябры размæ кæуыл сæххæст, æмæ 18 азы 3-æм июлæй раздæр кæуыл нæ сæххæст уыцы сывæллæттыл. 18 азæй 23 азы онг кæуыл цæуы æмæ йе нæниздзинад цудыд кæмæн у, уыцы сывæллæттæн дæр райсæн уыдзæн фиддон. Æхцайы фæрæзтæ рахай кæндзысты федералон бюджетæй. Бинонты æфтиæгтæй аразгæ не сты, уыимæ социалон æххуыс пенси æмæ æндæр фиддонтæй дæр. Акцийы сæйраг хæс сывæллоны скъоламæ бацæттæ кæнын. Курдиат бадæттæн ис 15 июлæй 1-æм ноябры онг. Ныууадзæн æй ис паддзахадон лæггæдты порталы æмæ Пенсион Фонды клиентон службæйы. Фиддонтæй фæиппæрд уыдзысты мæнг бæрæггæнæнтæ, кæнæ цæстфæлдахæн митæ аразын чи сфæнд кæна, уыдон. Паддзахадон æххуыс дæттын райдайдзысты 16 августæй фæстæмæ, цæмæй ма сывæллоны скъоламæ сæмбырд кæнынæн рæстæг уа. Уый тыххæй Владимир Путин фæнысан кодта йæ ныстуаны Федералон æмбырдмæ Курдиаты тыххæй уынаффæ рахæссынц 5 боны æмгъуыдмæ. Æхцайы фæрæзтæ хъуамæ æрбацæуой æртæ бонмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv