Иумæйаг паддзахадон фæлварæн биологи æмæ фæсарæйнаг æвзæгтæй радтой

Цæгат Ирыстоны рауагъдонтæ абон радтой Иумæйаг паддзахадон фæлварæн биологи æмæ фæсарæйнаг æвзæгтæй. Биологи раттынмæ регистраци скодтой 1 068 адæймаджы. Англисаг æвзаг равзæрстой 470-æй, 5 адæймаджы сфæнд кодтой немыцаг æвзагæй сæ тыхтæ бафæлварын, 5-æй та французаг æвзагæй. 3 сахатмæ рауагъдонтæ хъуамæ баххæст кодтаиккой 40 хæслæвæрды. Фæсарæйнаг æвзаджы фæлварæн дих у дыууæ хайыл, фысгæ æмæ дзургæ хæслæвæрдтимæ. Дзургæ хай дæтдзысты 22-æм æмæ 23-æм июлы. Æппынкъаддæр бæрæггæнæнтæ фæсарæйнаг æвзæгты фæлварæны сты 22 баллы. Биологийæ та – 36 баллы. Æдæппæтæй республикæйы ахуырадон уагдæтты фæлварæн раттынæн сарæзтой 12 пункты. Уыимæ ма 7 пункты сарæзтой йе ’нæниздзинад хъыгдæрд кæмæн у, уыдонæн. Фæлварæны хатдзæгтæ бæрæг уыдзысты 2-æм августы. Фæлварæны рæстæг уæлдай æргом æздахынц санитарон домæнтæм. Фæлварæн куыд цæуы, уымæ кæсынц æхсæнадон цæстдарджытæ, ахуырад æмæ наукæйы министрады специалисттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv