Фæлхасгæнджытæм цæстдарды управленийы кусджытæ бæрæг кæнынц базарадон центрты куыст

Æхсæнадон бынæтты æнæмæнг дарын хъæуы медицинон маскæтæ. Уыимæ ма, пайда кæнын хъæуы антисептиктæй. Уæлдайдæр та базарадон центрты. Æнæмæнг социалон дистанци дæр. Дуканиты кусджытæ сæхæдæг нæ, фæлæ ма хъуамæ æлхæнджытæн дæр сæ зæрдыл лæууын кæной санитарон домæнты тыххæй. Æцæгæйдæр уавæр куыд у, уый сбæрæг кодтой Уæрæсейы фæлхасгæнджытæм цæстдарды управленийы кусджытæ. Рейды архайдта не`сфæлдыстадон къорд дæр. Бæлвырддæр Плиты Хетæджы æрмæджы. Медицинон маскæтæ, æрмкъухтæ æмæ антисептиктæ фенæн ис алы дуканийы дæр. Куыд хойрæгты, афтæ уæлæдарæс уæйгæнæн базарадон центрты дæр. Дуканиты хицæуттæ йæ зонынц, сæрмагонд цæстдард кæй цæуы, уый. Ныр дæр Уæрæсейы фæлхасгæнджытæмцæстдарды управленийы кусджытæ зилынц базарадон центры. Уæлдай æргом здахынц кусджытæм. Уыдон æнæмæнг хъуамæ дарой маскæтæ. Хи хъахъхъæнæн дзауматæй хъуамæ æлхæнджыты ифтонг кæной. Кæцыдæр дуканитæм æнæ маскæтæй бахизыны бар дæр нæй. Маскæтæй уæлдай, базарадон объектты фыссынц сæрмагонд журнал. Æрвылбон дзы нысан кæнынц кусджыты буары тæвд. Кæд бæрзонд вæййы, уæд адæймаджы карантины арвитынц. Уæрæсейы фæлхасгæнджытæм цæстдарды управленийы кусджытæ куыд бафиппайдтой, афтæмæй маскæтæ дарыны фæтк се`ппæт не`ххæст кæнынц. Республикæйы цæрджытæ арæх бæрæг кæнынц хæрæндæттæ æмæ ресторантæ. Ахæм бынæтты дæр санитарон-эпидемиологон домæнтæ æнæмæнг хъуамæ æххæст кæной. Фæлæ дзы фæтк хæлд арæх æрцæуы. Маскæтæ дарыны фæтк чи не`ххæст кæна, уыдоны кæндзысты ивар. Амалхъом адæмы фæндзай мин сомæй сæдæ фæндзай мин сомы онг. Науæд дæр сын сæ куыст бауыромдзысты æртæ мæйы æмгъуыдмæ. Юридикон бæрнондзинад кæмæ ис, уыдоны та дыууæ сæдæ сомæй – фондз сæдæ сомы онг. Науæддæр сын кусыны бар нал уыдзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv