«Кванториум» æмбырд кæны, бæлвырд наукæтæ цымыдис кæй кæнынц, ахæм сывæллæтты

Сывæллæтты технопарк «Кванториум» æмбырд кæны, инженерон-техникон æмæ бæлвырд наукæтæ цымыдис кæй кæнынц, ахæм сывæллæтты. Ног ахуырадон модуль кусын райдайдзæн сентябры астæуæй æмæ ахæсдзæн январы кæронмæ. Дзæуджыхъæуккаг «Кванториумы» сывæллæттæ лæвар ахуыр кæндзысты 8 хуызмæ гæсгæ: IT, аэро, био, робо, медиа, хайтек, инженерон математикæ æмæ промдизайныл. Уымæй уæлдай сын фадат уыдзæн англисаг æвзаг, шахмæттæ æмæ математикæ ахуыр кæнынæн. Технопарчы бынат ис æппынкъаддæр 1 мин сывæллонæн - 7 азæй 18 азы онг. Уæ зæрдыл уын æрлæууын кæндзыстæм, иу «Кванториум» ма тагъд рæстæджы фæнд кæнынц Мæздæджы байгом кæнын, сентябры та Дзæуджыхъæуы йæ дуæрттæ байгом кæндзæн "IT-куб". Ахуыр дзы кæндзысты робототехникæ æмæ программированийыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv