Социалон къабазы райрæзтæн республикæйы бюджет райсдзæн уæлæмхасæн фæрæзтæ

Республикæйы бюджетмæ ивддзинæдтæ бахæссыны фарстатыл æрныхас кодтой Хицауады æмбырды. Амыдта йæ Тускъаты Таймураз. Цæгат Ирыстоны финансты министры хæстæ рæстæгмæ æххæстгæнæг Исахъты Олег куыд загъта, афтæмæй цы ивддзинæттæ хаст æрцæудзæн, уыдоны фæрцы 4 милиарды 692 милуан сомы бӕрц фæфылдæр уыдзӕн, куыд хæрдзты, афтæ æфтиæгты хай дæр. Уæлæмхасæн фæрæзтæ схардз кæндзысты республикæйы социалон къабазы райрæзтæн - æнæниздзинад хъахъхъæнынад, ахуырад, хъæууон хæдзарад, арæзтад æмæ экологийыл. Хæстæгдӕр рæстæг закъоны проект æрвыст æрцæудзæн республикæйы Парламентмæ, цæмæй йæм депутаттæ æркæсой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv