Уынгты сыгъдæгдзинад иу бонæй аразгæ нæу. Цæмæй горæт æппынæдзух хæрзæфснайд уа, уый тыххæй "Спецэкосервис"-ы специалисттæ кусынц дыууæ фæлтæрæй. Фыццаг сменæ рацæуы райсомы 6 сахатыл æмæ бакусы 13 сахаты онг. Фистæгвæндæгтæй æмæ кæрдæгфæзтæй бырон айсынц къухæй. Уымæй уæлдай ма ссыгъдæг кæнынц быроны урнæтæ. Ирыстойнаг районы дзы ис 300-мæ 'ввахс. Ацы уаццагмæ рацæуынц 8 хæдтулгæйы æмæ 16 кусæджы. Боны 3 сахатæй 8 сахаты онг бакусынц фылдæр змæлд цы хæйтты вæййы, уым. Æхсæвыгон та райдайынц уынгтæ мæрзын.