3 азæй 7 азы онг кæуыл цæуы, уыцы сывæллæтты социалон фиддонты бæрц фидæны азы дыууæ хатты фæфылдæр

3 азæй 7 азы онг кæуыл цæуы, уыцы сывæллæтты социалон фиддонты бæрц фидæны азы дыууæ хатты фæфылдæр уыдзæн. Уый тыххæй фехъусын кодта Владимир Путин йе 'рвылазон пресс-конференцийы рæстæг. Афтæмæй йӕ бӕрц суыдзæн 10 мин сомы. Раздæр фиддоны бæрц уыд цæрынæн æппын къаддæры нымыцы æрдæг. Нæ республикæйы уый уыд 5 мин сомы. Майы мæйæ ноябры онг фиддон райсынмæ республикæйы сæ курдиат балæвæрдтой 36 мин бинонтæ. Фæллой æмæ социалон райрæзты министрад декабры фиддонтæ баххæст кодта. Уый тыххæй фехъусын кодта профилон министры хæдивæг Айдарты Алинæ. Министры хæдивæг ма куыд фехъусын кодта, афтæмæй фиддоны ивдзинæдты тыххæй хъуамæ фæнысан кæной федералон закъоны. Уый фæстæ та республикон æмвæзадыл. Æппæт хъуыддæгтыл кæронмæ бакусдзысты 2021-æм азы январы. Уыимæ ма сбæрæг кæндзысты, фиддон дывæрæй цы бинонтæ исдзысты, уыдоны. Фыццаджыдæр, фиддонтæ райстой, Сбербанкы лæггæдтæй чи пайда кæны, уыдон. Ацы къуыримӕ иннæ банктимæ дæр реестр бацæттæ кæндзыстæм. Афтæмæй, къуырийы дӕргЬы декабры мæйæн фиддонтæ æххæстгонд æрцæудзысты. Фиддонтæ ногæй цы бинонтæн снысан кодтой æмæ сæ иу хатт дæр чи нæ райста, уыдонæн дæр сæ бафиддзысты фидæны аз. Æрцæудзысты æххæст азæн нымад. Ныртæккæ цæттæ кæнæм сæрмагонд реестртæ. Бирæтæм сӕвзæры фарстатæ, ногæй курдиат бадæттын хъæуы, æви нæ. Фæнды мæ зæгъын хъæддыхæй, ногæй фиддон райсыны тыххæй курдиат январы дæттын нæ хъæуы. Фиддонтæ нысангонд æрцæудзысты афæдзы æмгъуыдмæ. Кæд ацы аз курдиæттæ исын райдыдтам майы мæйæ, уæд нæ бинонтæ дæр уыцы мæйæ сæ курдиат баххæсдзысты фиддон адæргъвæтин кæнынмæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv