Южныйы поселочы райхалинаг фарстатæ иуварс кæнынц

Южный поселочы райхалинаг фарстатыл бакусын зæрдæ бавæрдтой горæты депутатты æмбырды минæвæрттæ. Хъæуы спортивон æмæ сывæллæттæн хъазынæн фæзтæ нӕй, уыимæ пырх фæндæгтæ æмæ электрон тых къуылымпытимæ. Бæрнон адæм фембæлдысты бынæттон цæрджытимæ æмæ базыдтой, цы ма сæ тыхсын кæны, уый. Мамыхъуаты Вячеслав Южный поселочы цæры 20 азæй фылдæр. Зæгъы, зӕгъгӕ, райхалинаг фарстатæ поселочы иу æмæ дыууæ нæй. Хъæуы нæй спортивон фæзуæттæ æмæ сывæллæттæн хъазæн фæзтæ, фæндæгтæ сты пырх, уыимæ дзы арæх электрон тых ахуыссын кæнынц. Сæйрагдæр та у канализацийы фарста. Южнымæ араст сты горæты æмбырды депутаттæ. Фембæлдысты цæрджытимæ, уавæрмæ æркастысты. Уынгтӕй иуы фæндаг арæзт у уырдыгмæ. Къæвдайы дон фæндаг хæры æмæ дзы цъымаратӕ фæзыны. Уый хыгъд фæндаггон змæлд ныкъуылымпы вæййы. Иу бакусинаг фарста мæ – бынæттон скъола. 1974 азæй нырмӕ цалцæггонд нæ уыд. Фыццæгæм уæладзыджы кълæстæ цалдæр хатты къæвдаты донæй хъыгдæрд баййæфтой. Южныйы поселочы социалон-экономикон рæзты программæмæ гæсгæ сæйраг уынджы асфальт байтыдтой, базылдысты 8 хæдзары кæртмæ. 5 азмæ ма программæмæ бахæсдзысты цалдæр объекты æмæ сæ хæстæгдæр рæстæг бацалцæг кæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv